انا طفل من ليبيا

أنا طفل من مصراته من الزاوية الغربية من بنغازي من اجدابيا من جبل نفوسه أنا من وطن عاشق ترابه

أنا طفل من ليبيا أمعمر قاصفه بدبابة

قتلتني وتبي أنقولك يا بابا

ضحكتني البو مايقتل ضناه روحه واعز أحبابه

واسمعها ياطاغية من طفل سطرها بدمه في صفحته كتابه أنا شهيد عند الله في جنته وأنت يامدمر في ناره وعذابه

ونا طفل قطعتها ياسفاح أطرافه وذنبي ماعرفت أسبابه

غير قولي كيف بيشيل شنطه وكتابه ويمشي لمدرسته بلاهن أطرافه وهو مجلس العلم مايحب غيابه

وتبي أنقولك يا بابا ضحكتني

ونا طفل حالم بحضن أمه وبوه في ميدان الحق طال غيابه

جانا نباه شهيد عن ربه ويا مبهاه

يتمتني يامعمر أنت وكلابك وخليت دمعتي سكابه

الله وأكبر عليك يهودي دم الأطفال الطاهر أنت شرابه

وتبي أنقولك يا بابا ضحكتني

ونا بيبي رضيع لفاني جردك من كلابك يامعمر شرتعني أشلاء خلط دمي بانقض حوشنا وترابه

وتبي أنقولك يا بابا ضحكتني

ونا طفل بايدين قناصتك ريت الرصاص عذابه

ردم ضحكتي وجسمي صفاه أمعمر بقسوته وإرهابه

أنريد نسألك مادرت ربي في يوم أحسابه

نسيتك إرهابي لادين لامله شيطان بالشر فاتح بابه

وتبي أنقولك يا بابا ضحكتني

أحنا أطفال ليبيا ونا عبيرها أنقولك ياسفاح بإذن الله موتك قريب ويتحرر من انجاسك وطني ترابه


بقلم:- جريحة الغدر(مصراتية حرة)